Dram nou yo la pou enstri, anseye, edike, e enfòme. Nou pa la pou nou voye monte sou okenn gouvènman, ni pou nou kraze okenn enstitisyon, ni endividi. Si se sa ou ta renmen wè, n ap di ou anpil eskiz davans.
An nou fè li ansanm.
-
Tanpèt
Se yon istwa lanmou ki chita sou istwa endepandans peyi Ayiti. Yon fi po blan lib (Josephine) renmen yon ansyen esklav (Amidieu) pou rete ak li. Josephine fè anpil demach pou Amidieu rete ak li. Men Amidieu pè pou limenm ak pitit li yo pa mouri akòz manmzèl pandan yo nan bouch endepandans lan ap goumen. An nou swiv pou n wè kòman sa ap pase. Èske Amidieu ap aksepte rete ak Josephine, yon relasyon chèf revolisyon yo (Tousen Louvèti e Jan Jak Desalin) ap ankouraje.
-
Toutrèl Yo Annagoni
Se de jenn timoun ki renmen e ki jire pou yo rete ansanm. Men lavi a chanje wout yo. Ti gason an ki te jire pou li pa marye pòv al etidye Lachine pandan li ankouraje ti fi a pou li al jwenn manman li nouyòk e kontinye ak lekòl li. Lè yo vin kontre ankò, èske y ap bay tèt yo chans pou yo bati demen yo an depi de tout sa ki kanpe nan mitan yo?
Se nou ki pou fè li.
An nou mete tèt nou ansanm pou n ka gen yon sosyete miyò, e pou n kite yon bèl eritaj pou jenerasyon k ap vini dèyè nou an.
Dram nou yo pa gen parèy. Se nan Tele Fondman sèlman w ap jwenn yo.
Se vre sèl pa konn di li sale, se lè ou goute l ou wè sa. Ni piman pa janm di li pike, se lè ou mete l nan bouch ou wè sa. Men nou ka di nou bon daprè rezilta k ap vin jwenn nou. Si ou kwè nou nan manti, al tcheke ak nou.
