An nou travay ansanm.
Tout ide nou se fè oumenm piblik la plezi e mete lajwa nan kè n. Pou n fè sa, fòk nou travay ansanm, e fòk nou toujou ap kominike, ap pale. Nou ta renmen pou tout sa nou fè satisfè ou. Si nou pa konnen sa ou renmen, nou pa p ka fè ou plezi. Rele nou , ekri nou, ou vizite nou.
Nou genyen program ki pou mete lajwa ak kè kontan lakay ou. Tcheke ak nou nan tele a. Men program yo.
Gade komedi sa yo e fè nou konnen sa ou renmen ak sa ou pa renmen.
-
Nan syèk n ap viv la, nou ta vle konprann pa gen fi, pa gen gason. Tout moun se menm. Ebyen nan komedi sa a, nou pral wè kòman sa ap pase antre Assé e Gracita. Èske se vre pa gen fi, pa gen gason?
-
Se istwa sè Sanadi, yonn nan sè andedan legliz Sen Thetée dirije pa doktè Dieudonne, ke moun yo rele doktè Dout, ki nan Fòt Lodèdal k ap grennen zen. Pa gen moun ki konvèti pase li, men bosal e vilgè pase li pa genyen. Li pa gen respè pou pèsonn é pèsonn paka di li sa. Li prèske kraze maryaj bon zanmi Joyeuse ak River. Li pa gn okrnn kontwòl sou emosyon l yo. Se mizè rour moun ki bò kote li ap pase.
-
Se istwa yon mesye ki fenk soti Ayiti e ki desann lakay yon kouzen l ak madanm misye. L ap bay moun yo problèm. Li bezwen yon madanm men li pa konn pale ak fanm. Se pa de lajan l medam yo pap manje.
-
Se lavi senk (5) medam Ayisyen k ap viv nan dyaspora. Zafè pa bon fè yon zanmitay mare nan mitan yo. An nou swiv kòman sa pral pase.
-
An nou reve li.
Lè ou gen yon ide nan tèt, li p ap rete konsa li reyalize pou kont li. Se ou ki pou mete l an aksyon. Pou kòmanse, ou reve li anvan. Nan rèv ou, ou ka wè li enposib pou l fèt. Men tout tan w ap reve li, w ap wè li posib. Rèv nou nan tele fondman se pou lang kreyòl la vin yon lang tankou tout lòt lang. Vin ede n reyalize rèv sa.
-
An nou bati li.
Pou nou fè rèv sa a vini yon reyalite, n ap bezwen kout men nan men ou. Anpil moun kouri dèyè nou, menm rale zòrèy nou, fè n konnen se tan nou n ap pèdi. An nou mete tèt nou pou nou bati yon demen miyò pou jenerasyon k ap vin dèyè nou an ka di men sa nou kite pou yo. An nou travay ansanm.
